សមត្ថកិច្ចបង្ក្រាបមុខសញ្ញាសង្ស័យនិងជាមេក្លោងពាក់ព័ន្ធករណីជួញដូរសារធាតុញៀនខុសច្បាប់ នៅក្នុងទឹកដីស្រុកសំរោងទង
06-June-2019 | ដោយ ពលមនសិការ
កំពង់ស្ពឺ៖ កាលពីវេលាម៉ោង១៤នឹង៣០នាទី ថ្ងៃទី០៥ ខែមិ ថុនា ឆ្នាំ២០១៩ ផែនការងារប្រឆាំងគ្រឿងញៀនសហការជាមួយមន្ទីរប្រឆាំងគ្រឿងញៀន ការិយាល័យក៩បង្ក្រាបមុខសញ្ញាជួញដូរគ្រឿងញៀន(មេក្លោង)នៅចំណុចភូមិចំបក់ ឃុំវល្លិស ស្រុកសំរោងទង ឃាត់មុខសញ្ញាសង្ស័យពាក់ព័ន្ធគ្រឿងញៀនបានចំនួន ៦នាក់។
មន្ត្រីនគរបាលខេត្តកំពង់ស្ពឺបានឱ្យដឹងថាជនសង្ស័យទី១-ឈ្មោះ សោម សាវ័ន្ត(តឿ) ភេទប្រុស អាយុ៣៣ឆ្នាំ ម្ចាស់ផ្ទះ , ទី២-ឈ្មោះ ឈៀង នីន ភេទប្រុស អាយុ៣១ឆ្នាំ នៅភូមិចំបក់ ឃុំវល្លិស ស្រុកសំរោងទង, ទី៣-ឈ្មោះ វ៉ាន់ សុភក្តិ ភេទប្រុស អាយុ៣៨ឆ្នាំ នៅភូមិថ្លុកឈើទាល សង្កាត់សុព័រទេព ក្រុងច្បារមន, ទី៤-ឈ្មោះ ប៊ុន ប៉ូឡុង ភេតប្រុស អាយុ ២៥ឆ្នាំ នៅភូមិត្រាចជ្រុំ សង្កាត់សុព័រទេព ក្រុងច្បារមន, ទី៥-ឈ្មោះ ហឿន ឬទ្ធី ភេទប្រុស អាយុ២១ឆ្នាំ នៅភូមិក្រាំងស្វាយ ឃុំរលាំងគ្រើល ស្រុកសំរោងទង និងទី៦-ឈ្មោះ ជួន យី ភេទប្រុស អាយុ៣៥ឆ្នាំ នៅភូមិព្រៃផ្តៅ ឃុំត្រពាំងគង ស្រុកសំរោងទង។
តាមការអះអាងរបស់មន្ដ្រីដែលបានចូលរួមក្នុងប្រតិបត្តិការបានបញ្ជាក់អោយដឹងថាមុខសញ្ញាសង្ស័យទាំង ៦នាក់ មានមុខសញ្ញាម្នាក់ជាមុខសញ្ញាចាស់ដែលជាមេក្លោង។
ក្នុងប្រតិបត្តិការខាងលើនេះគឺសមត្ថកិច្ចដកហូតម្សៅក្រាមពណ៌សថ្លាសង្ស័យជាគ្រឿងញៀន០១ថង់, ជញ្ជីងថ្លឹង០១ គ្រឿង, ដាវ២ដើម, ម៉ូតូ០៨គ្រឿង, រថយន្ដ០១គ្រឿង, មាន់ជល់ចិញ្ចឹមទុក ចំនួន៧១ក្បាល, រួមនឹងឧបករណ៍សម្រាប់ប្រើប្រាស់វេចខ្ចប់គ្រឿងញៀនមួយចំនួនធំ។
កិច្ចប្រតិបត្តិការដោយមានការសម្របសម្រួលពីលោក ជំទាវ ចាត សូរស្មី ព្រះរាជអាជ្ញា អយ្យការអមសាលាដំបូងខេត្ដកំពង់ស្ពឺ បានសំរេចអនុញ្ញាតិ ឲ្យយកវត្ថុតាងមករក្សាទុកបណ្ដោះអាសន្ននៅអធិការដ្ឋាននគរបាលស្រុកសំរោងទងចំណែកជនសង្ស័យ ៥នាក់ បញ្ជូនមកសាកសួរនៅការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ដ ដើម្បីកសាងសំណុំរឿងចាត់ការតាមនីតិវិធីច្បាប់ រីឯឈ្មោះ សោម សាវ័ន្ត(តឿ )ជាមេក្លោងត្រូវបញ្ជូនទៅកាន់មន្ទីរប្រឆាំងគ្រឿងញៀនដើម្បីបន្ដនីតិវិធី ៕
ចំនួនអ្នកទស្សនា
- ថ្ងៃនេះ921
- ម្សិលមិញ12101
- សប្តាហ៍នេះ13031
- ខែនេះ128181
- ឆ្នាំនេះ128181
- សរុប20570637